Тренерот на Јувентус, Масимилијано Алегри потврди дека Аргентинецот Пауло Дибала ќе настапи на дуелот против Атлетико Мадрид во осмина-финалето од Лигата на шампионите.
Алегри потврди дека Пауло Дибала ќе заигра од самиот старт на вечерашниот натпревар.
„Дибала ќе игра. Тоа вас новинарите ве прави среќни, така што сега можам да си заминам, зарем не?“, се пошегува Алегри.
„Не игра поради голот од минатиот петок, туки ќе игра поради вкупните перформанси. Мислам дека тоа ќе биде натпревар во кој Дибала може многу да понуди“, изјави Алегри.
