Skip to main content
Македонија

Жителите на Лагадин алармираат: По дивоградбата, инвеститорот сега сака да ја узурпира и плажата

06/09/2025  21:05

Здружението на граѓани за заштита на Лагадин денеска упати отворено писмо до министерот за транспорт и врски, Александар Николоски, и побара итен инспекциски надзор, откако инвеститорот на спорниот хотел во населбата, Никола Толевски, најавил дека планира да го заземе и просторот на плажата, Во писмото, жителите потсетуваат дека проблемот со објектот на „Дебој инженеринг“ трае со години, обвинувајќи дека тој е изграден со кршење на сите закони за градење во заштитениот крајбрежен појас и со целосно игнорирање на препораките на УНЕСКО. Тие го цитираат и поранешниот премиер Зоран Заев, кој во 2018 година за овој проект изјави дека „за чичко Никола не може да биде ‘Не!’, мора да биде “Да!”“.​ Според здружението, листата на нелегални дејствија на инвеститорот постојано се зголемува.