Skip to main content
Свет

Вулкан во Етиопија еруптира по 10.000 години, пепел се издигна до 15 километри во височина

24/11/2025  20:59

Вулканот Хаили Губи во североисточна Етиопија еруптираше по повеќе од 10.000 години мирување, при што силната експлозија исфрли облак пепел на височина до околу 15 километри, соопшти ВулканоДисковери (VolcanoDiscovery).

Сателитските снимки покажаа дека ерупцијата ослободила облак сулфур-диоксид (SO₂).

ВулканоДисковери наведува дека засега нема повеќе детали бидејќи областа е тешко пристапна и оддалечена од населени места, а главен извор на информации се сателитските податоци.

Етиопската телевизија FMC ја потврди вулканската активност во регионот Ерта Але. Според очевидци, експлозијата што ја придружувала ерупцијата била невообичаено силна – и по интензитет и по звук.