Skip to main content
Балкан

Врховниот суд на Грција бара од обвинителите да интервенираат доколку земјоделските блокади ја нарушуваат безбедноста во сообраќајот

09/12/2025  17:39

Обвинителите, со помош на надлежните полициски органи да интервенираат во случаите кога се вршат кривични дела што се гонат по службена должност, побарал обвинителот од Врховниот суд на Грција, Константинос Ѕавелас, во наредбата испратена до обвинителите во целата земја доколку со земјоделските блокади се нарушува безбедноста во сообраќајот, јави дописничката на МИА од Атина.

Во продолжение додава дека сличен феномен е и нарушувањето на безбедноста на воздушниот сообраќај, со оглед на тоа што земјоделците вчера затворија два аеродроми на островот Крит.

Во наредбата на обвинителот се потсетува дека прекршоците поврзани со попречување на транспортот се гонат по службена должност, бидејќи непреченото функционирање на транспортната инфраструктура е општествено добро.