Украинските вооружени сили извршија напади со беспилотни летала врз Санкт Петербург и Ленинградската област, објави гувернерот Александар Дрозденко на каналот Макс, потврдувајќи дека 126 беспилотни летала биле соборени над регионот.
Аеродромот Пулково воведе привремени ограничувања за работа, а патниците и вработените се преместени на безбедни локации, соопшти Федералната агенција за воздушен транспорт (Росавијација), пренесува Тас .
Украинските сили нападнаа нафтен терминал во Санкт Петербург и цивилна инфраструктура во четири градски области, а според гувернерот, немало жртви, но нафтениот терминал се запалил и пожарот се гаси.
Седиштето на социјалната мрежа VK пријави напад врз нејзиниот центар за податоци и потврди дека сите услуги на операторот функционираат нормално.
