Излезноста на предвремените избори за градоначалник на општина Брвеница до 9 часот изнесува 2,46 отсто, односно своето право на глас го оствариле 400 граѓани, информираше портпаролката на Државната изборна комисија (ДИК), Радица Тодоровска Алексовска.
„Излезноста на гласачите е 2,46 отсто, или вкупниот број на граѓани кои го оствариле своето право на глас во овој период е 400 гласачи“, изјави Тодоровска Алексовска.
На предвремените избори право на глас имаат вкупно 16.256 гласачи, кои гласаат на 24 избирачки места во општината.
Гласањето започнало утрово во 7 часот и, според информациите на ДИК, засега се одвива непречено, без најави за евентуални проблеми.
