Skip to main content
Македонија

Италија воведе ново кривично дело „фемицид“ – казната е доживотен затвор

23/07/2025  19:23

Италијанскиот Сенат едногласно усвои закон со кој се воведува ново кривично дело во Кривичниот законик: фемицид, казниво со доживотен затвор.

Новиот член 577-бис предвидува дека секој што ќе убие жена од омраза, дискриминација, контрола или затоа што е жена ќе биде казнет со доживотен затвор, објавува „Раи Уно“.

Во законот се наведува дека фемицидот се смета за извршен и кога мотивот е „одбивањето на жената да започне или продолжи емотивна врска и обидот да ги ограничи нејзините лични слободи“.