Холандската централна банка (ДНБ) соопшти дека преместила 86 тони од своите златни резерви од САД и Канада во Лондон, наведувајќи ги како причина „растечките геополитички немири“.
ДНБ објави дека златните резерви што се чуваат во Лондон можат полесно да се тргуваат од оние што се чуваат во Њујорк и Отава, објави Гардијан.
Претседателот на ДНБ, Олаф Слејпен, рече дека тоа и овозможува на Банката да дејствува најбрзо во кризна ситуација.
„Со овој чекор, ја подобривме можноста за користење на златните резерви. Претпоставуваме дека никогаш нема да треба да користиме злато, но сепак е потребно да се зајакне нашата отпорност и подготвеност“, рече тој.
Вкупните холандски златни резерви изнесуваа 612,4 тони и беа проценети на 72,2 милијарди евра (83,7 милијарди долари) на крајот на 2025 година, соопшти ДНБ.
Пред распоредувањето, холандската банка држеше 31,3 проценти од своето злато во Њујорк и 19,7 проценти во Отава.
Уделот на златото што се чува во Лондон се зголеми од 18,1 на 32,1 проценти, а Банката се уште држи 30,8 проценти од своето злато во Холандија.
