Skip to main content
Македонија

ЦУК: Пожар од поголеми размери избувна кај Октиси, авион на ДЗС на пат кон локацијата

13/08/2025  14:57

Во близина на струшкото село Октиси, на место викано Октишка Краста, е избувнат пожар од поголеми размери кој претставува потенцијална закана за имотот на населението, соопшти Центарот за управување со кризи (ЦУК).

Поради тоа, додаваат од ЦУК, итно е потребно ангажирање на воздухоплови.

„По барање на градоначалникот на Струга е испратено официјално барање за ангажирање на воздухоплов, а по насока и барање на Центарот за управување со кризи се вршат подготовки за испраќање на воздухоплов за гаснење на пожарот. Авион на Дирекцијата за заштита и спасување „ер трактор“ е веќе на пат кон локацијата за гаснење на пожарот“, наведуваат од ЦУК.