Skip to main content
Македонија

Бојан Маричиќ од Киев: „Консензусот во ЕУ ќе дојде, но прво треба дела“

13/10/2025  15:18

Во интервју за телевизијата Киев24, поранешниот вицепремиер за европски интеграции на Македонија, Бојан Маричиќ, зборува за тоа што реално чека една земја-кандидат на патот кон Европската унија: политичкото правило на консензус, реформите што носат поени, и начинот како да се управува со билатерални блокади без да застанат внатрешните промени.

Маричиќ објасни дека ЕУ одлучува со консензус и дека поради тоа „секој член има право да сопре процес“, но тоа не смее да стане изговор дома да не се спроведуваат реформи. „Украина треба да се фокусира на реформи и да направи сè во владеењето на правото и независното судство. Консензус ќе дојде — убеден сум дека ќе биде наскоро, затоа што Украина направи многу и го заслужува членството“, рече тој, потсетувајќи дека и Македонија минувала низ слични блокади.

За дилемата „промена на правилата за гласање или договор со Будимпешта“, тој е прагматичен: измена на едногласното правило не е реална на краток рок. „Порелно е Унгарија да ги препознае своите интереси и да ја поддржи Украина на патот кон ЕУ, затоа што тоа е во интерес и на Украина и на Унијата“, оценува Маричиќ.

Во делот за европските кластери, Маричиќ вели дека по завршениот скрининг, следниот чекор е отворање на првиот, т.н. фундаментален кластер. „Ова е најважниот документ и мора да се прави внимателно; ќе ја обврзува Украина и во преговорите и по пристапувањето“, нагласува тој. При тоа, инсистира дека брзината е можна кога има политичка волја од двете страни, наведувајќи дека Украина го завршила скринингот побрзо од Македонија и Албанија.

Клучната порака која во интервјуто ја пренесува Маричиќ е потребата од правење разликата меѓу „да се донесе закон“ и „да профункционира систем“. „Промената на законите е најлесниот дел. ЕУ ја интересира како ги спроведувате — какви реални резултати има, дали граѓанинот живее во предвидлива и правична средина. Само тогаш може да кажеме дека системот работи“, рече Маричиќ, посочувајќи ги владеењето на правото, независното судство, борбата против корупцијата и основните права како темелни тестови.

Како пример за конкретна домашна задача, тој го спомена планот за заштита на малцинствата. „Во Македонија имаме акционен план и сме подготвени да го споделиме нашето искуство — го опфаќаме сите заедници. Корисно е кандидатите да учат едни од други и од земјите што веќе пристапиле“, рече Маричиќ.

На прашањето дали е реално Украина да отвори повеќе кластери за една година, тој се повика на претходни преседани: „Албанија покажа дека може да се отворат сите кластери и поглавја за околу една година. Украина е способна за тоа ако реформите се јасен приоритет и има кохезија околу нив“.

За вечната дебата „заедно или одвоено со другите кандидати“, Маричиќ е за мерит-систем: „Кога се отвора вратата, најчесто се отвора за група земји. Но секоја треба да се оценува според сопствените достигнувања; подготвените да влезат, останатите да почекаат додека ‘Сезам’ повторно се отвори.