Skip to main content
Македонија

Башким Селими избран за претседател на Советот на јавни обвинители

09/12/2025  16:11

Башким Селими е избран за нов претседател на Советот на јавни обвинители (СЈОРМ), одлучи Советот на денешната седница. Досега ја извршуваше функцијата заменик претседател, а за нов заменик претседател беше избрана Маријана Илиевска. Предлогот за избор на Селими беше поднесен од членот Зорица Павловиќ и поддржан со осум гласови „за“ од вкупно 11 членови.

Изборот следи по престанокот на мандатот на претходната претседателка, Душица Димитриеска, на 1 октомври. За заменик претседател Селими ја предложи Маријана Илиевска, а предлогот беше едногласно поддржан. На денешната седница членот Ардијан Демири предложи одложување на изборот поради реформските закони во собраниска процедура, пред сѐ новиот закон за јавни обвинители, но предлогот не беше усвоен.