Skip to main content
Македонија

КСОМ реагира на високите сметки за електрична енергија

01/03/2025  15:26

Од Конфедерацијата на синдикални организации на Македонија (КСОМ) денеска на прес конференција апелираа до Владата и до Министерството за енергетика да преземат мерки за високите сметки што граѓаните ги добиваат за електрична енергија од страна на ЕВН.

– Грабежот на ЕВН треба да престане. Размислуваме што да преземеме – дали ќе организираме протести, дали ќе почнеме да собираме потписи за одземање лиценца, ќе видиме. Сметка отпечатена на еден датум, а корисникот ја добива на крај на месецот и мора да плаќа камати. Одговорот на ЕВН е дека вината е во поштарот, а не кај нив, рече Ристески.

Во однос на барањето на синдикати за згоемување на минималната плата која во март треба да се усогласи, Ристески рече дека мора да се зголемат платите затоа што во спротивно квалитетните работници ќе избегаат од државата.