Фудбалскиот клуб Олимпијакос одлучи да го раскине договорот со Хамес Родригез. Колумбиецот дојде во Атина како слободен играч во септември, но Олимпијакос веќе одлучи да ја прекине соработката со него.
Олимпијакос преку официјално соопштение му се заблагодари за соработката, истакнувајќи дека му посакуваат се најдобро во кариерата.
Родригез веќе неколку сезони е во слободен пад, а вистинското прашање е каде ќе игра по оваа неславна епизода.
Поранешниот фудбалер на Реал Мадрид, во првенството на Грција постигна пет гола и забележа шест асистенции во дресот на Олимпијакос.
