Руската салата е едно од најомилените јадења на нашите трпези, особено за празници и свечени пригоди. Богата со вкусови, лесна за подготовка и секогаш вкусна, оваа салата е вистински избор за секоја пригода.
Состојки:
- 300 мл мајонез
- 2–3 компири (средна големина)
- 2–3 моркови (средна големина)
- 200 грама грашок
- 2 јајца
- 5 кисели краставички (средна големина)
- 250 грама мисиркина шунка
- лажичка сенф
Подготовка:
Компирите и морковите се лупат, се мијат и заедно со грашокот се ставаат да се варат во соодветен сад. Откако ќе се сварат, се цедат и се сечат на мали коцки. Јајцата се варат, се ладат и исто така се сечат на коцки. Киселите краставички и мисиркината шунка се сечат на ситни коцки.
Сите подготвени состојки се ставаат во длабок сад, се додава мајонезот и сенфот, се промешуваат додека смесата не стане изедначена. Салатата се остава во фрижидер добро да се излади, а потоа се сервира.
