Англиските медиуми пишуваат дека од редовите на Манчестер Јунајтед ќе побараат помош од нивните легендарни поранешни играчи, Гери Невил и Рајан Гигс.
Имено, „Ѓаволите“ имаа проблеми со навремено пристигнување на стадионот за време на натпреварите од Лигата на шампионите против Валенсија и Јувентус, па сега за да го избегнат тоа, веројатно ќе престојуваат во хотелот кој е во сопственост на Гигс и Невил и кој се наоѓа непосредно до „Олд Трафорд“.
Инаку од Манчестер Јунајтед користат хотел кој е нешто подалеку од „Олд Трафорд“, а за натпреварот со Јувентус отседнаа во хотел кој е поблиску до стадионот на клубот, но повторно задоцнија на средбата.
За да се избегне доцнењето, а со тоа да се избегнат и казни од УЕФА, од Манчестер Јунајтед ќе се обратат на Гигс и Невил за да добијат дозвола за престој во нивниот хотел.
