Поранешниот обвинител од Охрид, Воислав Димоски, во својот најнов Фејсбук статус сподели потресна приказна од својата кариера – сведоштво за тоа како недоволната строгост во воспитувањето, но и во судските одлуки, може да доведе до трагични последици.
„Ја испратив со совет да ги отвори очите и да не му верува премногу на нејзиниот син,“ пишува Димоски.
Години подоцна, истиот тој млад човек направил страшен злочин – откако не добил пари за дрога, ја завиткал сопствената баба во тепих, ја полеал со бензин и ја запалил.
„Еден колега, Бог да го прости, секогаш велеше дека најтешко од сè е да бидеш добар родител. Тежината се состои во одбирањето на размерот помеѓу гушкањето и строгоста! Бог да нѝ помага на сите!“, завршува Димоски.
Ова сведоштво отвора сериозни прашања – дали нашето општество премногу често замижува пред проблемите со зависноста и насилството? Дали правосудниот систем доволно ги штити жртвите? И најважно, како родителите да ја пронајдат вистинската граница помеѓу љубовта и строгото воспитување за да не станат неми сведоци на трагедии?
