Поранешниот унгарски премиер Виктор Орбан испрати порака до новата унгарска влада.
„Новите луѓе мора многу јасно да разберат едно: ако не се борите за Унгарија во Брисел, бриселските бирократи ќе ве прегазат. Откажувањето од нашиот патриотски став и откажувањето од националниот суверенитет за пари или политичко одобрување би било историска грешка. Не смееме да дозволиме странските елити да одлучуваат за нашата иднина“, напиша Орбан на социјалната мрежа X.
Новиот унгарски премиер Петер Маѓар положи заклетва вчера, речиси еден месец откако ја предводеше својата партија Тиса до убедлива победа на изборите и стави крај на 16-годишното владеење на Виктор Орбан. „Нема да владеам со Унгарија, ќе ѝ служам на мојата земја“, рече Маѓар откако положи заклетва во парламентот.
Тиша има 141 од 199 места во новиот парламент, што е зголемување во споредба со ниту едно место пред само две години, кога беше основана партијата. Фидес на Орбан падна од 135 на 52 места, а партијата покажува знаци на распаѓање.
Орбан и други клучни личности од Фидес одлучија да не ги преземат своите мандати во парламентот, а нивната политичка иднина во моментов е неизвесна, освен нејасното ветување за „обновување на националната страна“.
