Skip to main content
Свет

Еден загинат девет повредени во руски напад врз Запорожје

05/10/2025  10:46

Во руските напади врз Запорожје, едно лице беше убиено, девет беа ранети, голем број куќи беа уништени, а пожарникарите се борат со бројни пожари, објави на својот канал на Телеграм раководителот на локалната воена администрација на Запорожје, Иван Федоров.

Според Федоров, уништени се згради и приватни куќи, изгорени се автомобили, скршени се прозорци, оштетени се дворови, а електричната енергија и водата се во прекин.

„Од првите минути по нападот, нашите спасувачи, комунални работници, лекари, енергетски работници и полицијата работат на терен“, рече Федоров.

Укринформ објави дека Русите извршиле најмалку 10 напади со дронови и касетни авио-бомби врз Запорожје, а во некои области имало прекин на електричната енергија и водата.