Црногорскиот претседател Мило Ѓукановиќ наскоро би можело да оди во Хаг како сведок на одбраната за претседателот на Косово, Хашим Тачи, против кого е поднесено обвинение за воени злосторства, наведе Меѓународниот институт за балкански и источни студии – „Ифимес“, повикувајќи се на меѓународни извори и аналитичари.
Изворите потсетуваат дека тој требаше да биде сведок во одбраната на еден од највисоките функционери од Србија пред Меѓународниот кривичен трибунал за поранешна Југославија во Хаг, но тој, според наводите, се заканил на семејството на обвинетиот, а српскиот функционер подоцна го откажа барањето за сведочењето на Ѓукановиќ.
Во делот на анализата под наслов „Парламентарни избори во Црна Гора 2020: Крајот на ерата на Мило Ѓукановиќ“, „Ифимес“ смета дека затоа е оправдано да се постави прашањето дали Ѓукановиќ ќе го стори истото во случајот со Тачи.
