Еден навивач се здобил со смртоносни повреди по пад од второто ниво на „Алијанц Арена“ во Минхен синоќа за време на финалето на Лигата на нации меѓу Португалија и Шпанија, објави „ESPN“.
Натпреварот не беше прекинат поради инцидентот.
– Сакам да изразам сочувство до семејството на загинатиот навивач. Ова не натера да сфатиме што е важно во животот, рече селекторот на Шпанија, Луис де ла Фуенте на прес-конференцијата по натпреварот.
Дефанзивецот на Португалија, Нуно Мендеш, исто така го коментираше инцидентот.
– Изразувам сочувство до семејството на загинатиот навивач. Ова ја засенува нашата победа денес.
Португалија ја победи Шпанија во финалето на Лигата на нации на пенали со 5:3 (2:2 по основните 90 и дополнителните 30 минути).
