Суплементите се додатоци во исхраната наменети да заменат или да обезбедат соодветни нивоа на хранливи материи, витамини или минерали. Познато е дека треба да се земаат во одредено време, пред или после јадење, за да се постигне максимален ефект. Пред да почнете да консумирате, проверете дали некои витамини се безбедни за внесување навечер во оваа форма, пишува „Е-клиника“.
Постојат неколку причини зошто лекарите или фармацевтите препорачуваат некои суплементи да не се земаат навечер. Имено, одредени витамини можат да го попречат дејството на лековите (пропишана терапија за одредена болест). Доколку имате вечерна терапија, подобро е да го земате суплементот наутро.
Друга причина е поврзана со несоницата. Одредени витамини може негативно да влијаат на сонот и да го нарушат природниот деноноќен ритам . Покрај тоа, некои подобро се апсорбираат на „празен“ стомак.
Еве кои витамини треба да ги внесувате наутро, никогаш навечер.
Витамин Д
Витаминот Д го зајакнува имунитетот, помага во создавањето колаген и апсорпцијата на калциум. Сепак, истражувањата сугерираат дека земањето на овој витамин пред спиење може да предизвика проблеми. Витаминот Д има спротивен ритам од мелатонин, хормонот кој го регулира сонот. Земањето витамин Д навечер може да го намали производството на мелатонин, што го отежнува заспивањето. Наместо тоа, земете го наутро.
Б комплекс
Витамините Б ни носат многу придобивки, од подобрување на здравјето на нашата кожа, коса и нокти до поддршка на клучните функции на телото. Сепак, истражувањата покажуваат дека конзумирањето на овие витамини во вечерните часови може негативно да влијае на квалитетот на сонот. Многу витамини Б ја зголемуваат енергијата, што е корисно во текот на денот, но може да биде проблематично пред спиење. Исто така, бидејќи тие се претежно растворливи во вода, најдобро е да ги земате на „празен“ стомак наутро за подобра апсорпција.
Мултивитамински суплемети
Мултивитамините, кои содржат различни основни хранливи материи, исто така обезбедуваат бројни здравствени придобивки. Сепак, достапните податоци укажуваат дека утрото е подобро време за нивно внесување. Многу витамини во мултивитаминските формули се растворливи во масти, што значи дека треба да се консумираат со оброк што содржи масти за подобра апсорпција. Покрај тоа, утрото често е посоодветно за создавање навика за редовно земање на овие додатоци.
