Skip to main content
Хроника

Приведени 19 возачи, 10 возеле под дејство на алкохол, 8 без положен возачки испит

20/09/2026  15:04

Во текот на изминатото деноноќие, на различни локации во државата, полициски службеници лишија од слобода 19 возачи поради сторено кривично дело „безобѕирно управување возило“ по член 297-а од Кривичниот законик.

Осуммина управувале возило без положен возачки испит и тоа: С.В.(47) и М.Ј.(23), двајцата од Скопје, Б.И.(20) од с.Драчевица, скопско, Р.Т.(18) од Гевгелија, З.Х.(59) од с.Локвени, прилепско, А.Р.(34) од с.Горна Речица, тетовско и двајца 16-годишници од гостиварско.Додека пак, поради возење со активна забрана за управување моторно возило од слобода е лишен И.Б.(39) од Скопје.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.