Управата за хидрометеоролошки работи (УХМР) информира дека во повеќе делови од Македонија попладнево е забележана локална нестабилност, проследена со пороен дожд, засилен ветер и грмежи.
Според информациите од УХМР, нестабилна воздушна маса со пороен дожд, засилен ветер, грмежи и појава на суградица е регистрирана западно од Крушево.
Нестабилно време во моментов има и во околината на Струмица, каде се регистрирани пороен дожд, засилен ветер и грмежи. Слична временска состојба е забележана и на подрачјето јужно од Берово.
Претходно, локална нестабилност со пороен дожд, засилен ветер и грмежи беше регистрирана во Струмица, источно од Берово и југозападно од Кичево.
Локалниот карактер на нестабилноста значи дека временските услови може значително да се разликуваат на релативно мало растојание, при што во одредени подрачја може да има поинтензивни врнежи и засилен ветер.
