Јавното претпријатие „Патишта на Србија“ апелира до сите учесници во сообраќајот да не тргнуваат на пат без итна потреба и да бидат внимателни, особено во ноќта меѓу сабота и недела (3 и 4 јануари), поради најавен леден дожд и обилен снег. Според предупредувањето на Републичкиот хидрометеоролошки завод, врнежите од дожд ќе замрзнуваат на коловозот, додека во северните и источните делови на земјата се очекува пообилен снег.
„Апелираме до возачите да патуваат само ако е навистина неопходно, а доколку тргнат на пат, задолжително да имаат зимска опрема и синџири и строго да ги почитуваат ограничувањата на брзината“, соопштија од „Патишта на Србија“.
Дополнително, сите информации за состојбата на државните патишта се достапни на официјалната веб-страница на ЈП „Патишта на Србија“.
