Малиот парк „Фредерик Шопен“ во скопската населба Кисела Вода е во најблаго речено очајна состојба.
Наместо уредено зеленило, паркот е полн со ѓубре, со неискосена трева, измет од животни, големи вирови со вода и со оштетени реквизити.
Граѓаните кои живеат околу паркот коментираат дека тој до сега постојано се чистел и уредувал и дека годинава за првпат е толку запуштен, што дури и е небезбеден за децата кои се чести посетители.
Иако до почетокот на учебната година има само уште два дена, во лоша состојба е и дворот на основното училиште „Невена Георгиева Дуња“ кое е во непосредна близина на паркот „Шопен“.
И тој е полн со ѓубре, грмушки и неискосена трева.
