Рускиот виролог Андреј Ботиков, кој помогна во развојот на вакцината Спутник V против корона вирусот, е пронајден мртов во стан во Москва, јавуваат медиумите.
Андреј Ботиков е еден од 18-те научници кои учествувале во развојот на вакцината Спутник V во Националниот истражувачки центар Гамалеја. Тој беше пронајден задавен во неговиот дом во Москва.
Се претпоставува дека 29-годишен маж за време на расправијата го задавил научникот со каиш, а потоа побегнал од местото.
Според официјалните документи, тој наводно бил убиен од разбојник кој упаднал во неговиот дом.
Во меѓувреме, полицијата го привела осомничениот и тој ја признал вината.