Еден од најдобрите тенисери на денешницата Србинот Новак Ѓоковиќ реши да не се прердава и да го даде последниот атом од силите во дуелот со Данил Медведев, што на крајот резултираше со негов кам-бек и трета победа во групната фаза на завршниот Мастерс турнир.
Ноле навистина имаше криза на физички план и почна да се тресе по загубениот тајбрејк, но покрај коментарот кој го даде за бруталното видео кое стана вирално, во Србија посебно интересна стана пораката која му ја испраќа неговиот син.
Малиот Стефан може да се слушне како го мотивира својот татко на крајот од видеото, кога јасно му се обраќа со зборовите „ајде тато“.
И покрај тоа што изгледаше истоштено, Ноле пронајде сили да се врати на теренот и после многу борба да слави во третиот сет кој исто така имаше тајбрејк завршница.
A gruelling encounter ????#NittoATPFinals pic.twitter.com/2ArIk6iNbh
— Tennis TV (@TennisTV) November 18, 2022
