Поранешниот американски претседател Доналд Трамп експресно реагираше на говорот на актуелниот претседател Џо Бајден, по повод првата годишнина од насилниот упад на разулавената толпа во Капитол Хил, при што го обвини за „уништување на нацијата”.
Во говор по повод годишнината од смртоносниот напад врз американскиот Капитол, Бајден рече дека Трамп дека претставува континуирана закана за американската демократија и предупреди дека лажните тврдења на Трамп оти изборите му биле украдени преку широко распространета гласачка измама може да го разоткрие владеењето на правото и да ги поткопа изборните процеси во иднина.
-Актуелниот претседател го искористи моето име денеска за да се обиде дополнително да ја подели Америка, рече Трамп.
Тој ги повтори наводите за изборни измами.
-Медиумските соучесници тоа го нарекуваат голема лага, а големата лага всушност беа самите избори, повтори поранешниот претседател.
„Демократите сакаат да го имаат овој ден, 6 јануари, за да можат да ги подгреат стравовите и да ја поделат Америка”, додаде Трамп.
