Поранешната sвезда на Барселона Чави е под притисок да стане следниот главен тренер, а деновиве стана јасно дека има официјални разговори помеѓу неговиот тим Ал Сад и Каталонците.
Тој може да го замени Ернесто Валверде, под чие водство тимот се претставува променливо од почетокот на сезоната.
Самиот Чави призна дека ќе биде остварување на сонот еден ден да ги преземе Каталонците и навести дека е широко отворен за таква можност.
– Да се биде тренер на Барселона е мој сон, не можам да сокријам такво нешто. Сите се свесни за ова. Јас го поддржувам тимот од се срце, знаете и каква е мојата приказна со Барса. Во моментов се фокусирам на мојот клуб Ал Саад, да бидам искрен. Ерик Абидал е мој пријател и разговараме со него често. Немам што да кажам на оваа тема. Сакам да покажам почит кон Барселона и Ернесто Валверде и во моментов си ја гледам работата со мојот клупски тим, прокоментира тој за „Спорт.ес”.
