Тригодишно дете заглави во апарат за играчки
Тригодишниот Џими Брејкен Марфи од ирското градче Типерари очајнички сакал да дофати една од крзнените играчки во апарат во еден трговски центар.
Џими самиот упспеал да се „протне“ во апаратот, а наградата за овој подвиг му било тоа што останал заробен во машината опкружен со мноштво играчки.
Иако во прв момент се исплашил, Џими набрзо бил многу задоволен затоа што можел да си одбере која играчка и да ја посака.
– Јас не бев изненаден. Тој е темпераментно, но бистро дете, кое секогаш ги поместува границите, изјави неговиот татко Џејмс.
Момчето во „аквариумот“ со играчки минало десетина минути пред да го извадат припадниицте на обезбедувањето.
