Додека продолжуваат преговорите за Брегзит, ирскиот премиер Лео Варадкар оцени дека постои можност да се постигне договор, но и дека има многу прашања кои се уште се на маса и треба да се решат.
Варадкар, кој утрово телефонски разговараше со британскиот премиер Борис Џонсон и Европската комисија, изрази надеж дека тие прашања ќе се решат во текот на денот.
Тоа ќе им овозможи на лидерите на ЕУ да ги разгледаат на дводневниот самит кој почнува утре во Брисел, со што ќе се отвори пат за гласање на британските пратеници на посебна седница на Парламентот, закажана за в сабота.
Меѓутоа, Вардакар смета дека дури и да не се случи тоа, крајниот рок за излез на Велика Британија 31 октомври е „за неколку недели и постои можност за одржување друг самит претходно, доколку е потребно”.
Преговарачот на ЕУ за Брегзит, Мишел Барние ги предупреди членовите на ЕК кои ги надгледуваат преговорите за најновите разговори, кои ќе им бидат претставени и на парламентарците.
