Португалската пратеничка во Европскиот парламент, Марија Жоао Родригез, беше прогласена за виновна за психичко малтретирање на нејзиниот помошник и ќе биде казнета, објави на пленарната седница Павел Теличка, потпретседател на ЕП.
„Откако ја прочита писмената изјава и ја слушна нејзината страна од приказната, претседателот на ЕП донесе одлука да ја казни Марија Жоао Родригез за нејзиното однесување кон акредитираниот помошник во парламентот, што се смета за психичко малтретирање”, рече Теличка.
