Две лица загинаа во денешната несреќа во рудникот Ново Брдо, кој се наоѓа во приштинскиот округ, откако биле затрупани од одрон на земја, објавија косовските медиуми.
Како што јави дописникот на МИА од Приштина, вршителот на должноста извршен директор на рудниците Трепча, Хисен Врајоли изјави за порталот „Газета Експрес” дека животот го загубиле еден инженер и еден рудар.
– Се случи одрон на земја и потврдено е дека има двајца загинати, инженер и рудар. Одиме кон местото на настанот и според информациите кои ги имаме моментно, во несреќата нема инволвирано други лица, изјави Врајоли.
