Блокотехна го освои трофејот во БИБЛ
Екипата на Блокотехна од Гевгелија е нов шампион во регионалната кошаркарска Балканска лига – БИБЛ. Македонскиот претставник во финалето вчеравечер во Тирана, Албанија беше поуспешен од домаќинот на завршниот Ф4 турнир Теута со 82:68.
Брендон Пен со 31 поен беше најефикасен играч на натпреварот. Двоцифрени во победничкиот тим беа и Божо Дујмиќ со 17, Петар Николиќ со 15 и Марјан Младеновиќ со 14 поени.
Ова е прв трофеј за Блокотехна во своето двегодишно постоење.
Во натпреварот за третото место, Академик во победи Берое со 86:57.
