Skip to main content
Македонија

Во март законско усогласување на минималецот, синдикатот бара минималец од 500 евра

01/03/2025  15:59

Минималната плата ја примаат повеќе од 20 илјади вработени, од кои најголемиот дел работат во мали и микро фирми. Работодавачите сметаат дека минималната плата може да оди и над 500 евра, доколку за тоа се обезбеди реална основа, односно доколку се зголеми продуктивноста.

Опозициската СДСМ критикува дека Владата не се грижела за работниците и нивниот стандард. Најавуваат законска иницијатива за минималец од 500 евра. „Ние во наредниот период ќе продолжиме со политики што се поддршка за животниот стандард на граѓаните, и ќе поднесеме законско решение за покачување на минималната плата на 500 евра“, велат од СДСМ.

Денеска о д Конфедерацијата на синдикални организации на Македонија побараа од Владата и од Министерството за енергетика да преземеат мерки за да се реши проблемот со високите сметки за струја за кои се жалат граѓаните и побараа да се стави ред во читањето на броилата.