Skip to main content
Македонија

ВМРО-ДПМНЕ: СДСМ призна дека Груби крадел, а тие не смееле да реагираат, па затоа сега измислуваат кованици за Изет Меџити

24/02/2025  14:13

Соопштение за јавност на ВМРО-ДПМНЕ:

Добро е што Мартин Костовски јавно призна дека Артан Груби е криминалец и правел криминал додека бил министер во владата на СДС, а тие за тоа не преземале ништо.

Фрапирани сме е премал збор за да ја опише нашата реакција на лицемерието и безобразлукот на СДС.

Мартин Костовски треба да ги праша Филипче, Ковачевски и Спасовски зошто кога очигледно знаеле дека Груби правел криминал не отвориле постапка преку МВР и не побарала негова смена?

Или премногу слатка била власта, па од страв да не паднат, и да можат да поткрадат уште некое време затворале очи пред криминалот на Груби.

Што се однесува на нивниот памфлет за Изет Меџити, тоа е кованица на лаги и невистини, како да го одвлечат вниманието, за нивното толерирање на Груби.