Голема вознемиреност меѓу родителите на учениците од Основното училиште „Панајот Гиновски“ во општина Бутел, откако во просториите на училиштето биле пронајдени глувци.
Загрижените родители заедно со своите деца денеска излегоа на протест, барајќи итна реакција од надлежните институции.
„Децата не следат настава веќе три дена. Бараме училиштето да се исчисти и дезинфицира за безбедност на нашите деца,“ изјави еден од родителите за ТВ21.
Родителите најавуваат дека ќе продолжат со протестот сè додека не се обезбедат безбедни и хигиенски услови за наставата.
