Skip to main content
Свет

Трамп претпочита да не присуствува на евентуалната средба Путин-Зеленски

22/08/2025  18:27

Американскиот претседател Доналд Трамп изјави дека би претпочитал да не присуствува на потенцијална средба меѓу рускиот претседател Владимир Путин и Володимир Зеленски. Тој им рече на новинарите дека односот меѓу Путин и Зеленски е далеку од идеален, но дека Вашингтон има намера да види дали можат да соработуваат.

„Ќе видиме. Планираме да видиме дали Путин и Зеленски можат да соработуваат. Знаете, тоа е како масло и оцет: нивниот однос не е многу добар, од причини што ги знаете. Но, ќе видиме“, рече тој. Трамп изрази надеж дека нивната средба би можела да се одржи без негово учество. „Ќе видиме дали е потребно да бидам таму. Би претпочитал да не бидам таму. Би сакал да се сретнат и да се обидат да постигнат нешто, но во меѓувреме, борбите продолжуваат“, рече Трамп.