Skip to main content
Македонија

Рускоска: Груби направи голема грешка, ако останеше тука, немаше да има опасност од притвор

17/12/2024  23:04

Адвокатот и поранешен член на Антикорупциската комисија, Драган Малиновски, изјави дека одлуките на Владата се колективни и дека функционалниот имунитет не е апсолутен, особено ако постојат докази за коруптивни дејствија.

Поранешната обвинителка Вилма Рускоска го коментираше заминувањето на поранешниот вицепремиер Артан Груби од државата, оценувајќи го како „голема грешка“. Таа смета дека доколку останел во земјава, шансите да му биде одреден притвор би биле многу мали.

– Притвор се одредува врз три основи: опасност од влијание врз сведоци, опасност од бегство и опасност од повторување на делото. Ако беше тука, опасност од бегство немаше да има, бидејќи неговото семејство е тука. Што се однесува до повторување на делото, тоа е невозможно бидејќи веќе не е на функција. Третата основа, влијание на сведоци, може да се спречи и на други начини – изјави Рускоска.

По Груби и поранешниот директор на Државната лотарија, Прпетим Бајрами, е распишана потерница. Двајцата, заедно со уште шест други лица, меѓу кои и поранешниот премиер Димитар Ковачевски, се осомничени за злоупотреба на службена положба и примање поткуп во случајот „Државна лотарија“.