Со желба да покаже дека руската автомобилска индустрија може да се однесе на едно сосема ново ниво, еден млад руски дизајнер покажа како би изгледал еден концепт на суперавтомобил инспириран од Lada Xray и Vesta, со благи примеси на Bugatti.
Нарекувајќи го Лада Questa, Вјачеслав Александров својот уметнички концепт го има изработено со програми за 3Д моделирање кои очигледно добро ги владее. Го владее и автомобилскиот дизајн бидејќи во него вешто ги има имплементирано линиите на моделите од кои црпел инспирација. Иако шансите вакво нешто да се најде во производство се еднакви на нула, ентузијазмот е за секоја пофалба.
