Skip to main content
Македонија

Мицкоски: Работиме на мега инвестиција во инфраструктурата и здравството од неколку милијарди евра

14/03/2025  13:55

Претседателот на Владата на Република Северна Македонија, Христијан Мицкоски, одговарајќи на новинарско прашање во врска со најавениот инфраструктурен бум и дали Владата, освен патиштата и пругите што се градат, планира нешто ново, информираше дека очекува многу добри вести за македонските граѓани, во текот на месец, април и мај. Станува збор рече тој, за еден меѓувладин договор, којшто би ги потпишале со многу моќна европска земја, којшто се мери во милијарди, а ќе биде наменет за проекти, во инфраструктурата и во здравството.

Точно за кои проекти станува збор, премиерот Мицкоски рече дека прво да завршат преговорите по што, јавноста многу скоро ќе биде информирана.