Најмалку 69 луѓе загинаа откако земјотрес со јачина од 6,9 степени според Рихтерова скала го погоди централниот дел на Филипини. Епицентарот на плиткиот земјотрес бил во близина на градот Бого во покраината Себу, каде што болниците се преполни, изјавија од цивилната заштита. Еден функционер изјави дека има најмалку 150 повредени.
Претседателот на Филипини, Фердинанд Маркос, кажа дека државата брзо ќе реагира за да им помогне на настраданите.
Себу, една од најпопуларните туристички дестинации во Филипини, има околу 3,4 милиони жители. И покрај штетата, прометниот меѓународен аеродром „Мактан-Себу“ продолжил со работа.
Состојба на катастрофа е прогласена во Сан Ремигио, уште еден тешко погоден град. Заменик-градоначалникот Алфи Рејнес побарал помош во храна, вода и тешка механизација. Тој кажа дека меѓу загинатите се некои луѓе кои играле кошарка во локален спортски комплекс, кој се урнал во земјотресот. Под срушените згради уште имало луѓе, а спасувачите се во трка со времето за да ги извлечат.
Според досегашните информации, земјотресот се случи во вторникот, околу 22:00 часот по локално време, а најпогоден бил централниот дел на островот.
A strong magnitude 6.9 earthquake hit Bantayan Island, Philippines, affecting the St. Peter and Paul the Apostle Parish Church in Bantayan town. pic.twitter.com/dYPAq3vGxl
— Weather Monitor (@WeatherMonitors) September 30, 2025
„Уште сме во ’златниот час‘ за барање и спасување. Има многу пријави за луѓе кои се заробени или удрени од урнатините“, изјавиле надлежните на прес-конференција.
Покрај срушените градби, земјотресот предизвикал и прекин на струја, а штетата уште се проценува
The death toll in the 6.9-magnitude earthquake that struck Cebu province in the central Philippines on Tuesday night could reach up to 60, the Philippines' Office of Civil Defense said Wednesday. pic.twitter.com/uZcoIrI01i
— China Xinhua News (@XHNews) October 1, 2025
Биле оштетени домови, но и болници, па многу од повредените треба да се транспортираат во други институции за да им биде пружена соодветна нега.
Al Jazeera пренесува дека неколку деца загинале додека играле кошарка во спортска сала која се срушила, додека CNN сподели и застрашувачко видео од натпревар за убавина кој се одржувал во мигот кога настанал земјотресот.
More video from the gala night of an international pageant in Cebu shows the moment the magnitude 6.9 earthquake hit the Philippines.
Terrifying!pic.twitter.com/OmDtcXjkDc
— Volcaholic 🌋 (@volcaholic1) September 30, 2025
Земјотреси и вулкански активности се вообичаени во Филипини. Последниот земјотрес со жртви се случи во 2023, кога загинаа осум луѓе.
