Данела Арсовска, градоначалничката на Град Скопје, денеска на Фејсбук со објава ги охрабри граѓаните да се спротивстават на неправидте и беззаконието
„Законите селективно ги спроведуваат врз сите освен врз себе, да можат со вашиот страв и молк да владеат, а за нив не постојат правила, затоа крадат, тепаат и лажат.
Не треба да им молчите, ако вие украдете ќе ве затворат, ако перете пари ќе ве затворат, ако градите без дозвола ќе ве казнат и ќе ве срушат.
Јас не молчам, се борам со оние кои ми се заканија по живот на дете и семејство, за да не го обелоденам нивниот криминал.
Молкот и неказнивоста предизвикува да мислат дека можат да прават сѐ, да тепаат, да градат без дозволи, да крадат.
Законите во Македонија треба да важат исто за сите, наместо тоа следи затвор за ќебапи, а високи функции за оние со милионски криминали“ пишува Арсовска.
