Британските потрошувачки цени се зголемија повеќе од очекуваното во април, за 3,5 проценти, покажаа денес податоците од Канцеларијата за национална статистика (ONS).
Годишната стапка на инфлација изнесуваше 3,5 проценти во април, по 2,6 проценти во март, што е највисока вредност од јануари 2024 година и најголемо зголемување на стапката од 2022 година, кога инфлацијата вртоглаво растеше, соопшти ONS.
Банката на Англија (BoE) прогнозираше инфлација од 3,4 проценти на почетокот на мај. Веројатно е дека ќе се одржи патот на постепено намалување на каматните стапки, но, како што анализира Ројтерс, најновите податоци веројатно дополнително ќе ги намалат очекувањата на финансиските пазари дека каматните стапки ќе бидат намалени повеќе од еднаш до крајот на 2025 година.
Растот на цените на услугите скокна на 5,4 проценти во април, што е далеку над прогнозата за раст од 5 проценти од страна на Банката на Англија во април.
ОНС соопшти дека периодот на велигденските празници, веројатно придонел за големиот скок на цените на воздушниот сообраќај, кои се зголемија за 27,5 проценти во споредба со март, што е второто најголемо месечно зголемување досега.
Цените на гасот, електричната енергија и водата, исто така, се зголемија во април, заедно со повисоките даноци за работодавците, што веројатно ќе ги зголеми цените.
Главниот економист на централната банка, Хју Пил, вчера изјави дека темпото на намалување на каматните стапки е пребрзо со оглед на сè уште силниот притисок врз платите врз инфлацијата.
