Центарот за култура „Бели мугри“ вечерва беше домаќин и организатор на хуманитарно-продажната изложба на донираните ликовни и книжевни дела, за подршка на настраданите во трагичниот настан што се случи на 16 март во дискотеката „Пулс“.
На настанот беа претставени повеќе од 100 уметнички и над 300 книжевни во повеќе галериски простории при кочанската културна установа.
За поздравување е и најмлад автор и донатор Адонис Силов кој донираше уметнички слики.
Македонски моден дизајнер, Златко Јовановски донираше фустан, а неговат вредност се проценува околу 2 илјади евра.
Средствата од секое продадено донирано дело од културните дејци е директна подршка на нашите настрадани сограѓани.
Изложбата ќе биде поставена во наредните 14 дена.
Директорката на „Бели Мугри“, Габриела Стефановска истакна дека изложбата е интернационална бидејки отстапени се дела на уметници од Европа и Америка и голем број книжевни дела на издавачки куќи.
Ликовниот уметник м-р Александра Димитрова, од „Бели мугри“ рече дека изложбата и отстапените дела за аукција од авторите само ја покажуваат солидарноста и хуманоста на уметниците за градот Кочани.
На отворањето од страна на роднокрајните автори, членови на ЛК „Копнеж“ ,Блашка Стојкова и Далибор Стојанов беа прочитани авторски дела инспирирани од кочанската трагедија.
