Македонскиот ракометен репрезентативец Жарко Пешевски изјави дека Македонија има иднина како национален тим за следните големи натпреварувања.
„Овој натпревар беше вистински меч за уживање. Заслуживме да затвориме со претендент за шампион. Се работи за велесила во ракометот, ние оставивме еден добар впечаток. Нека овој натпревар ни биде мотив за во иднина. На овој турнир одигравме повеќе квалитетни натпревари, во последни години ова ни е еден од подобрите турнири кои сме го издржале на физички план. Почнавме најрано, први дојдовме во хотелот. Покажавме дека оваа Македонија има сила за во иднина“, изјави Пешевски.
Македонија го заврши мундијалскиот настап на петнаесеттата позиција, што е значителен напредок во однос на она Светско првенство пред две години.
