Ученик од основно училиште во Загреб утрово со нож повредил наставничка и неколку деца, јавија хрватските медиуми.
Инцидентот се случил во ОУ „Пречко“ во Загреб.
Според хрватските медиуми, состојбата во училиштето е драматична. Уениците и наставниците се во шок. Во училиштето има многу полиција и неколку амбулантни возила. На видео кое кружи на социјалните мрежи се гледаат луѓе како бегаат од зградата. Хеликоптер слета на училишното игралиште, а дел од повредените се во животна опасност.
Во Хрватска денеска е крај на првото полугодие во училиштата.
