Прилапското обвинителство поднесе обвинителен предлог против здружението „Маркулеле“ бидејќи преку истоимениот портал остварувало профит од рекламирање, иако како здружение не смеел да врши профитабилна дејност.
Од страна на ОЈО Прилеп поднесен е обвинителен предлог против одговорното лице на Здружението за промовирање на културните вредности во Пелагонија „Маркукуле“-Прилеп поради сторено кривично дело злоупотреба на службената положба и овластување од член 353 став 4 во врска со став 2 и во врска со став 1 од Кривичниот законик.
-Осомничениот од септември 2015 до декември 2017 година, како одговорно лице- претседател, во вршење на неговите овластувања и должности ја искористил својата службена положба и овластување со тоа што за себе и за други противправно прибавил поголема имотна корист. Имено,тој спротивно на член 12 и член 50 став1, 2 и 3 од Законот за Здруженија и фондации, како и спротивно на дејноста за која се регистрирани и целите определени во член 1 од Статутот на здружението, вршел профитабилна дејност. Осомничениот во наведениот период вршел медиумски услуги во форма на рекламирање на правни лица од стопанска и нестопанска дејност на интернет порталот www.markukule.mk