29-годишен охриѓанец бил лишен од слобода во Струга, откако полицијата го затекнала во паркиран автомобил при користење кафеава прашкаста материја.
Како што информира МВР, вчера во 22:00 часот, полициски службеници од криминалистичката полиција при ОВР Струга го лишиле од слобода П.М.(29) од Охрид.
Тој бил затекнат во паркиран автомобил „фолксваген голф“ со охридски регистарски ознаки.
Според полициското соопштение, во моментот кога бил затекнат, 29-годишникот користел кафеава прашкаста материја.
По целосно документирање на случајот, против него ќе биде поднесена соодветна пријава.
