Престојот на Копаоник изгледа како вистинска зимска бајка. Снегот го покри туристичкото место, а децата уживаат во снежните радости. Возрасните го поминуваат денот пиејќи кафе и шетајќи, радувајќи се на зимската убавина, додека скијачите го користат снегот на долгите ски-стази, кои денес се полни, за разлика од минатите денови.
Деновиве, бројни туристи го посетуваат Копаоник. Превладуваат странските туристи, има и македонски посетители. Дневните температури се околу -5°C, а времето е ветровито со повремени врнежи од снег. Цената на дневните ски-карти достигнува 5.900 динари (околу 3.085 денари за македонски туристи), додека ски-картите за ноќно скијање се 2.800 динари (околу 1.464 денари).
